В нашем храме принимают еще и заказные записки о болящих.
Заказная записка о болящих отличается тем, что в дополнение к изъятию частицы из просфоры, на проскомидии читается особая молитва о недужных, а затем на ектении молитвы о болящих «Врачу душ и телес…», и перед престолом священник читает сугу́бую молитву о тяжко болящих людях.
Молитва на проскомидии о недужных
Господи Иисусе Христе, Боже наш, прими жертву сию, во оставление грехов рабов Твоих (или раба Твоего) [имярек] и яко милосерд всесильною Твоею десницею угаси обдержащий их (или его) огнь, утоли недуг и милостивно воздвигни их (или его) от одра болезни во славу имене Твоего.
Ектения о болящих
Врачу душ и телес, со умилением в сердце сокрушенном к Тебе припадаем, и стеняще вопием Ти: исцели болезни, уврачуй страсти душ и телес рабов Твоих [имена], и прости им, яко благосерд, вся прегрешения, вольная и невольная, и скоро воздвигни от одра болезни, молимтися, услыши и помилуй.
Не хотяй смерти грешных, но еже обратитися, и живым им быти, пощади и помилуй рабов Твоих [имена], Милостиве: запрети болезнь, отстави всю страсть, и весь недуг, и простри крепкую Твою руку, и якоже Иаирову дщерь от одра болезни воздвигни, и здравых сотвори, молимтися услыши и помилуй.
Огненную болезнь Петровой тещи прикосновением Твоим исцеливый, и ныне люте страждущих рабов Твоих [имена], болезнь благосердием Твоим исцели, здравие им скоро подавая, прилежно молимтися, Источниче цельбам, услыши и помилуй.
Езекиины слезы, Манассиино и Ниневитян покаяние, и Давидово исповедание приемый и скоро тех помиловавый: и наша во умилении приносимыя Ти мольбы прими, Всеблагий Царю, и яко Щедр помилуй люте болящих рабов Твоих, [имена] здравие им даруя, со слезами молимтися, Источниче жизни и безсмертия, услыши и скоро помилуй.
Молитва о болящих
Владыко Вседержителю, Святый Царю, наказуяй и не умерщвляяй, утверждаяй низпадающия, и возводяй низверженныя, телесныя человеков скорби исправляй, молимтися Тебе Боже наш, рабов Твоих [имена], немощствующа посети милостию Твоею, прости им всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся: буди врач рабом Твоим [имена], воздвигни их от одра болезненного, и от ложа озлобления цела и всесовершенна. Даруй их Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу, и Сыну и Святому Духу, ныне и присно, и во веки веков, аминь.
